Sinopsis

Gure planetan ur-masa (ur gaziak eta ur gezak) oso desberdinak daude: ozeanoak, itsasoak, errekak, ibaiak, putzuak, urmaelak, urtegiak, aintzirak… Ziur aski askotan galdetu diozu zure buruari nondik datorren daukagun ura. Orrialde hauetan ozeanoei eta beste ekosistema urtar batzuei buruzko informazio ugari eta zabala aurkituko duzu, haietara hurbildu, hobeto ezagutu eta merezi duten bezala zaindu ahal izateko. Horietan bizi diren animaliak eta landareak ere ezagutuko dituzu eta bidean, hainbat jarduera eta esperimentu interesgarri egiteko aukera izango duzu. Hondartzara, urtegira, ibaiertzeko basora edo paduretara bagoaz, motxilan koaderno hau eramango dugu. Etxetik irten aurretik ere, koadernoko orrialdeetan murgildu gara, naturan zer aurkituko dugun irudikatu nahian. Horrela jakin dugu uretan zain ditugun bizilagun txiki eta handien berri.