Sinopsis

1881eko otsailaren 16an Vera Zasulitx errusiar iraultzaileak gutun bat idatzi zion Karl Marx filosofo eta iraultzaile sozialistari. Gutunak galdera bat zekarren: ze iritzi zuen Errusiako landa-komunaren patuaz Kapitalaren egileak?Marxek lau gutun zirriborro egin zituen gutuna bidali aurretik. Liburu honetan Zasulitxena, Marxen zirriborroak eta garai hartan Errusiako iraultzaileekin Marxek eta Engelsek izan zituzten beste truke batzuen testuak daude. Marxek Errusiarekiko izan zuen jakin-minak hiru interesgune ditu gaur egungo munduan: XIX. mendeko langile mugimenduaz eta orduko eztabaidez ikastea, ezinbesteko industrializazioari buruzko eztabaida zabaltzea klase posizio askatzaile batetik eta, azkenik, Marxen obraren zabaltasunaz eta konplexutasunaz jakiteko grina piztea.