Sinopsis

Udaren erdia da, baina urte-sasoiari ez dagokion behe-lainoa ikusten da kanpoan. Harry Potter urduri dago logelan, dursleytarrek Privet Driven duten etxean, Dumbledore maisua noiz iritsiko zain baitago. Zuzendaria azkenekoz ikusi zuenean, buruz buruko duelu beldurgarrian ari zen Lord Voldemortekin, eta Harryk ezin du sinetsi orain Dumbledore maisua benetan agertuko denik hantxe, gutxien espero zitekeen lekuan. Zergatik etorriko ote zaio zuzendaria haraxe? Zergatik ezin ote du itxaron aste batzuk barru Harry bera Hogwartsera itzuli arte? Badirudi Harryren seigarren ikasturteak Hogwartsen ezohiko hasiera izango duela, muggleen mundua eta mundu magikoa elkar gurutzatzen hasi baitira...