Sinopsis

Munduari hemen Gasteiz deritza
Gasteiz Paris Amsterdam edo Bera
hiriak ez baitu izen bakarra
nonahi izanagatik berbera

aldatu egiten dira izenak
kale plaza eta etxeen tankera
nehoiz ez da aldatuko ordea
hiriaren gurari egarbera

egarriak dago eta goseak
euri-jasak ere ez du asetzen
ezta lasaitzen ere legeak

alferrik ditu hormak eta ateak
giltzarrapoak ez du gerizatzen
nahitaez eginen du bereak