Sinopsis

«Hizkuntza eta talde-nortasuna» gaia Euskal Herriko Unibertsitateak antolaturiko XII. Ikastaroetako aztergaia izan zen, 1993an, hain zuzen «Europako V. Ikastaroak» zeritzenen barnean. Gaia aztertzeko Europako, Ameriketako eta Euskal Herriko zenbait jakituni egin zitzaion deia. Bakoitzak zekarren berarekin lehendik ibilitako iker-bide luzea. Atzerritarrek, batez ere, azterlan gonbaratuak egiten lagundu zuten; euskal herritarrek, berriz, begira-puntu ezberdinetatik heldu zioten euskal nortasunaz hitz egiteari. Irakurleak ikusiko duenez, hitzaldi haietan bezala, gogoeta ireki eta gaurkotu bat bildu da orrialde hauetan.