Sinopsis

Ikasle garaiak bizi izan zituen Lertxundik Italian, 60ko azken urteetan. Hango egonaldiak eragin handia izan zuen mamitzen ari zen idazle harengan. Beti izan ditu hango literatura eta zinema oso gustuko, hango gizartearen jarraitzaile bizkor izan da. Gogoa zeukan Lertxundik idazle izaten lagundu zioten lekuak artearen begiz ikusteko. Berria egunkariak eman zion era, eta 2004ko udan joan zen, aukerako ibilbide guztien artean bat hautatu eta Italian barrena, Aosta eta Torinotik Veneziara, Padua, Trieste eta Kroaziako Rijekaraino. Italia du hizpide Lertxundik, eta literatura eta bizitza. Literatura on guztiak bizitza baitu hizpide.