Sinopsis

70eko hamarkada, Franco hil aurretik eta hil ondoren, oso emankorra izan zen Euskal Herrian musika sortzeko eta zabaltzeko, nahiz eta, askotan, hamarkada hartako musika geratu den aurreko eta ondorengo hamarkadetakoen itzalean. Musika-korronte ezberdinak loratu ziren, hala nola, rock progresiboa, jazz-rocka edota psikodelia, euskal folkarekin ederki uztartuta. Horren adibide dira Errobi, Haizea, Izukaitz, Itoiz, Itziar, Enbor, Lisker, Koska, Amaia Zubiria, Pascal Gaigne eta beste hainbat. DJ Makalak aukeratutako bilduma.