Sinopsis

Robert S. Pindyck Ekonomia eta Finantzetako Bank of Tokyo-Mitsubishi Ltd. katedraren burua da MITko Sloan School of Management erakundean. Mikroekonomiako gai askoren inguruan ikertu eta idatzi du: ziurtasun eza enpresen jokabideetan eta merkatu-egitura; merkatuaren boterearen baldintzatzaileak; natur baliabideen, salgaien eta finantza-baliabideen merkatuen jokabidea; eta inbertsio-erabakiak hartzeko irizpideak, besteak beste. Daniel L. Rubinfeld Zuzenbideko Robert L. Bridges katedraren burua da eta Ekonomiako irakaslea Kaliforniako Unibertsitatean (Berkeley) eta Zuzenbideko irakasle gonbidatua New Yorkeko Unibertsitatean. AEBetako Justizia Saileko ekonomialarien burua izan zen 1997an eta 1998an eta hainbat gai izan ditu aztergai bere lanetan: monopolioaren kontrako borroka, lehiari lotutako politika, zuzenbidea eta ekonomia, zuzenbidea eta estatistika, eta ekonomia publikoa. Mikroekonomia diziplina dinamikoa eta zirraragarria da, munduan gertatzen ari dena ulertzeko eta erabakiak hartzeko baliagarria eta garrantzitsua. Egileek horretaz jabetzen lagundu nahi digute, teoria mikroekonomiko modernoa oso modu didaktikoan eta adibide ugarirekin landuz.