Sinopsis

KANTU-KONTARI proiektua Lehen Hezkuntzara zuzendua dagoenmusika-hezkuntza egitasmoa da. Proiektu hau indarrean dagoen Oinarrizko Hezkuntzaren Curriculumarekin bat dator eta bertan planteatzen diren gaitasunen ikuspegitik abiatzen da.
KANTU-KONTARI proiektuaren izatearen xedea, musika irakaste eta ikaste prozesuaren baitan eginiko aparteko irakurketan sustraitzen da, Hezkuntzan planteatzen diren helburuak bete asmoz eta landu behar diren gaitasunak bultzatuz musika alorrerako material argia eta zehatza sortu du. Ziklorako eta maila bakoitzerako helburuen zehaztapena egin da antolaketa eraginkorrago baten mesedetan.
Edukien aukeraketa zaindua eta haurraren interesen eremutik abiatuz interes esparrua zabaltzea izan du jomuga. Bestalde eduki hauek unitateka sekuentzializatuta aurkezten dira lantzen diren gaitasun eta proposatzen diren iradokizun didaktikoekin batera.
Metodologia, ?dinamikoa? hitzak laburbiltzen du. Jardueren eta iradokizun didaktikoen eskaintza zabalak, KANTU-KONTARI proiektuko ikasmaterialak taldearen dinamikara egokitzea ahalbideratzen dute, beti ere argi adierazita dauden gaitasunak eta ebaluazio prozedurak ardatz izanik. Honek guztiak, irakaslearen partaidetza eta aukeraketa pertsonalizatua baimentzen du, eta aldi berean, irakasle bakoitzaren ekarpenetara ere irekia aurkezten da. Honenbestez, KANTU-KONTARI proiektuaren ametsa egi bihurtzea hein batean irakasle eta ikastaldearen balio eta gogoaren esku gelditzen da.