Sinopsis

Nafarroan eskalada egiteko gida hau berrituta eta handituta dator; urteetako eskarmentuak ere pisua du. Lan nekeza eta luzea izan da, eta xehetasun handiz egin dut. Erraztuko die eskalatzaileei bilatzen duten bidearekin asmatzea, bai horma horiek ezagutzen dituztenei, bai bide berriak aurkitu nahi dituztenei edo beste lurralde batzuetatik iritsi direnei ere. Baina beste gida batzuk ez bezalakoa da. Informazio fidagarria dakar, lagunekin, eskalatzaile eta ekipatzaile askorekin kontrastatua. Ingurumen-babesari, hegazti harrapariei eta landareei buruzko mezuak txertatu ditut; baita gai teknikoak eta segurtasunekoak, nola jokatu eta zer egin ere. 29 eskalada-gune, 230 sektore eta ehunka bide biltzen ditu. Sakon pentsatutako gida da. Marra, datu eta argazki bakoitza plangintza eta asmo zehatz batekin egin dut. Bide bat egitera igo aurretik paretan jartzen dudan arreta berbera da.