Sinopsis

Nasreddin, Nasr Eddin, Nasrudin? izendatzeko modu ezberdinak izan ditu sufí tradizioko pertsonaia honek. Anatoliako penintsulan bizi omen zen XIII eta XV mende bitartean baina pertsonaia bera baino garrantzitsuagoak dira Nasreddinen istorioak; gurean Peruk edo Pernando Amezketarrak egin duten bezala txiste, adar jotze, irakaskuntza eta bizitzeko modu bat islatzen dituzte istorio horiek. Sarritan urrutikoak izanik hurbilekotzat hartu ahal izango ditugun istorio barregarri paregabeak.