Sinopsis

ADNk, Suso Espadak lan egiten dueneko agentziak, Istanbulera bidaltzea erabaki du. Izan ere, hango kartzela baten hainbat urte preso zeramatzan Espainiako emakume baten desagerpena ikertu beharko du. Suso berehala ohartuko da desagerpen horren inguruko misterioaz eta arriskuaz; gainera, ezezagun dituen kultura eta gizarte batean jarduteak larriagotu egingo du egoera hori. Hala ere, Tamar hizkuntza-interpretearen eta Nihat Espainiako kontsulatuko txoferraren eskutik, alde batetik, intuitu egingo du aurrera egiten uzten ez dion bilbearen konplexutasuna, eta, bestetik, ulertu egingo du Istanbulek munduaren historian izan duen garrantzia. Ikerketak porrot egin ondoren Galiziara itzulita, egiaztatuko du batzuetan beharrezkoa dela gauzak berez gertatzea eta, sarritan, aurkitu nahian gabiltzan erantzunak gure ondoan ditugula, pentsatu baino askoz hurrago.