Sinopsis

Gianni Rodariren obra funtsezkoa da, eta, haren jaiotzaren mendeurrenean, ezinbestekoa da berriz irakurri eta zabaltzea. «Zer behar da?» ipuinari (arrazoibide deduktiboa edo silogismo bat dago oinarrian) indar berritzailea dario, xumetasuna eta xarma. Agerikoa da testu honetan Rodarik nola bihurtzen zituen hitzak jostailu poetiko eta adimentsu. Eta Sergio Endrigo kantautore italiarrak testua kanta bihurtu zuen.

Kontakizunak hurrenkera logikoa du, pausoz pauso, eguneroko objektu baten jatorriari jarraikiz, eta naturaren muin eder eta sakona du helmuga: zerbait handia lortzeko, maiz aski da zerbait niminoa. Liburu honetan dotorezia desberdinak daude loturik: geometriarena (egitura zirkularrarekin, poesiaren urrinarekin), eta proposamen estetiko originalarena).

Silvia Bonanniren collageetan artearen sormenezko jauzi eraldatzailea nabari da. Proposamen aberatsa da, koloretsua, eta nahasirik ageri dira paper inprimatuaren puskak eta oihalak.